Нарын облусунда Fair and Sustainable Development Solutions (FSDS) коомдук фондунун «Мүмкүнчүлүгү чектелген балдар үчүн инклюзивдүү коом» долбоорунун алкагында 18 мүмкүнчүлүгү чектелген балдардын ата-энеси эки күн бою бизнес-пландарды түзүү боюнча билим алышты.

Тренер менен биргеликте катышуучулар өз долбоорлору үчүн идеяларды жана чечимдерди иштеп чыгышты жана мини-командаларга бөлүнүп, практикалык тапшырмалар аркылуу алынган көндүмдөрүн бекемдешти.

Тренинг интерактивдүү форматта өтүп, конкреттүү учурлар колдонулуп, катышуучулар менен пикир алмашуу уюштурулду.

Бардык катышуучулар мындай тренингдердин бүгүнкү күндө канчалык маанилүү экенин белгилешти, анткени алар мүмкүнчүлүгү чектелген балдардын ата-энелерине арналган аймактык гранттарга жана башка колдоо түрлөрүнө катышууну пландашууда.