Май айында Жалал-Абад облусунда сел жүрүп, анын натыйжасында Сузак районуна караштуу Сузак, Барпы жана Атабеков айылдарындагы ондогон үйлөр жана айылдар суунун астында калды.

Адамдар кыйын абалга туш болушту — турак жайлар жабыркап, түшүм толугу менен жоголду, жашоочулардын жеке мүлктөрү жана үй техникасы жок болду. Бизге “Жалал-Абаддын айылдык консультациялык кызматы” гуманитардык жардамды чогултуу боюнча жардам сурап кайрылды.

“Fair and Sustainable Development Solutions” (FSDS) коомдук фонду биринчи керектүү азык-түлүктөрдүн топтомдорун сатып алып, аларды жеткирип берди:

— Эти азыктары

— Коюрулган май

— Шекер, күрүч, нохот, гречка, фасоль жана перловка

— Картошка, пияз, сабиз

— Үй чарбасы үчүн жуугуч каражаттар (сабын, жуугуч порошок, суюктуктар жана башкалар)

Жардам алган бардык үй-бүлөлөр FSDS коомдук фондунун “Айыл калкына азык-түлүк коопсуздугу” долбоорунун бенефициарлары болуп, эки жылдан бери долбоорду ишке ашырууга активдүү катышып келишет.