FSDS коомдук фонду USAID менен биргеликте ишке ашырылып жаткан «Ичүүчү сууну башкарууда жамааттын мүмкүнчүлүктөрүн кеңейтүү» долбоорунун алкагында Ош облусундагы айылдарда ичүүчү суу системасын башкарууда ыктыярчылыктын ролу боюнча бир күндүк тренинг уюштурду.
Тренинг Тоо-Моюн, Жеке-Мисте жана Сырт айылдарында (Араван району), жана Кулатов айылында (Ноокат району) өткөрүлдү. Иш-чаранын алкагында катышуучуларга ыктыярчылыктын негизги принциптери сунушталып, бул ыкманы айылдык жамааттарда ичүүчү суу маселелерин чечүүдө кантип колдонсо болору тууралуу маалымат берилди.