Нарын шаарында мектеп окуучуларынын арасында “Биз 21-кылымдын интеллектуалдарыбыз” аттуу кароо-сынак болуп өттү.
ФСДС КФнын “Кыргызстандын аялуу топторунун социалдык-экономикалык мүмкүнчүлүктөрүн кеңейтүү” долбоорунун алкагында Нарын облусунун мектеп окуучуларынын интеллектуалдык жөндөмдүүлүгүн жогорулатууга багытталган сынак өткөрүлдү.
Катышуучулар үчүн тапшырма абдан жөнөкөй эле – робот моделин түзүү жана программалоо жана иштелип чыккан долбоорлорду комиссиянын алдында алты номинация боюнча коргоо:
🚩Жаңы теориялык иштеп чыгуулар жана моделдер
🚩Түзмөктөр, радио жабдуулар жана телекоммуникациялык системалар
🚩Энергия жана энергияны үнөмдөөчү технологиялар
🚩Маалыматтык технологиялар жана программалоо
🚩Робототехника жана автоматташтырылган технологиялар
🚩Дубал гезитинин моделдери Иш-чараны Нарын облустук балдарга билим берүү борбору “Жарманке жана Туруктуу өнүгүү чечимдери” коомдук фондунун колдоосу менен уюштурган. Бул иш-чара ФСДСтин Нарын облусундагы мектептерде кесиптик багыт берүү боюнча ишинин бир бөлүгү.
