Бишкекте TOM: Meikathon Kyrgyzstan 2022 жыйынтыгы чыгарылды
18-ноябрда Интеллектуалдык менчик жана инновациялар мамлекеттик агенттигинин (Кыргызпатент) алдындагы Инновациялык борбордун имаратында “Мейкатхон Кыргызстан – дүйнөнү жакшыраак жер жарат жана түз!” аттуу иш-чаранын жыйынтыктоочу этабы болуп өттү.
🎯 Долбоордун максаты майыптыгы бар адамдардын жашоосун жакшыртуу жана жөнөкөйлөштүрүү үчүн колдонууга оңой, жасоого оңой жана жеткиликтүү прототиптерди иштеп чыгуу үчүн инновациялык платформаны уюштуруу болгон.
🔥 Жалпысынан долбоорго Кыргызстандын ар кайсы аймактарынан 9 команда катышты. 72 саат бою жаш инженерлер, иштеп чыгуучулар жана дизайнерлер инновациялык түзүлүштөрдүн прототиптерин түзүү үстүндө иштеп, калыстар тобуна сунушташты.
Ар бир долбоор өзүнчө уникалдуу болгон. Катышуучулар майып адамдардын жашоосун жакшыртууга багытталган пайдалуу жана жеткиликтүү продуктту түзүү үчүн колдон келгендин баарын жасашты.
🏆 Долбоордун жеңүүчүсү болуп Ош шаарынын “3222” командасы табылды. Катышуучулар угуусу жана көрүүсү начар адамдар үчүн Jesture Translator онлайн тиркемесин ойлоп табышты. Команда 1000 долларлык акчалай сертификатка ээ болду.
🏆 Акча сертификаты 600 АКШ доллары өлчөмүндө долбоордо экинчи орунду ээлеген Бишкектин Чебурек командасына берилди. Ал бир эле учурда 2 долбоорду сунуштады, биринчиси Брайл арибинде жазуу технологиясы, экинчиси дүлөйлөр жана дудуктар үчүн акылдуу үй системасы. Бул прототиптин артыкчылыктары арзан баада жана сатып алуу шарттары болгон.
🏆 Үчүнчүсү Бишкектин “Maker Space” командасы болуп, 400 АКШ доллары өлчөмүндөгү сыйлыкка ээ болду. Бул команданын мүчөлөрү мүмкүнчүлүгү чектелген адамдар үчүн борборлор үчүн жеткиликтүү мобилдик тиркемени ойлоп табышты.
Калган 6 команда долбоордун өнөктөштөрү тарабынан кызыктыруучу сыйлыктар менен сыйланышты.
👨🏻🏫 Калыстар тобу кыйынга турду, анткени ар бир долбоор жогорку деңгээлде көрсөтүлүп, уюштуруучунун, өнөктөштөрдүн жана иш-чаранын конокторунун үмүтүн арттырды.
✅ “Fair and Sustainable Development Solutions” коомдук фонду (FSDS) иш-чараны биргелешип уюштургандыгы үчүн “Инновация борбору” мамлекеттик мекемесине ыраазычылык билдирет. Белгилей кетсек, FSDS Кыргызстанда үчүнчү жылдан бери Mekathon өткөрүп келет.
